"نزلى ايديك وممكن اشرب"..اللحظات الأخيرة فى حياة حسن مصطفى

رافقت ميمي جمال زوجها طوال مشوارهما الفني، شاركته نجاحه في المسرح والتليفزيون والسينما، والنجاح الأسري أيضا، دائما يظهران معا، وحتى في اللحظات الأخيرة لم تتركه.

تعرض حسن مصطفى لأزمة صحية وظل في العناية المركزة لمدة 28 يوما، ومكثت ميمي معه في غرفة مجاورة رافضة الذهاب له في مواعيد الزيارة فقط.

وحكت ميمي في لقائها ببرنامج "كلمة أخيرة" مع لميس الحديدي: "آخر حاجة قالهالي الله يرحمه، لقاني قاعدة على الكنبة وإيدي على خدي وباصاله، راح باصصلي وقال ياميمي، قلتله أيوه يا حبيبي في إيه، قالي نزلي إيدك من على خدك حتحطيها كده كتير بعدين، قلتله ليه بتقول كده وجسمي أشعر".

وأضافت: "قالي ممكن أشرب، قلتله حاضر اشرب، قمت جبتله ميه من التلاجة وقعدت جنبه سقيته، شكرا ورحت قعدت على الكنبة، عمل دماغه كده وربنا أراد، آخر بق ميه أنا اللي إدتهوله".