قصيدة: " توهان "
للشاعر - جمال اليمنى
الدنيا واخده الناس
والناس ما درياشي
والهم مالي الراس
على إيه ما تدراشي
ناس مالكه كنز وماس
وناس ما لقياشي
عيش فيها على مهلك
لو مره تندهلك
ده المفتري بيهلك
وملايكه ترصدلك
ودي دنيا فانيه ورايحه
أبدا ما ديماشي
دي الدنيا واخده الناس
والناس ما درياشي
ياحي يا قيوم
خلي ضميرنا يقوم
وبالصلاه والصوم
البركه فينا تدوم
دي الدنيا واخده الناس
والناس مادرياشي
ده كله مكتوب ومتقدر
إن طال العمر أو قصّر
الخير هايحمينا
والخير ما تنساشي
إرعي حدود ربك
وإحفظ أمور دينك
خليك وفي بعهدك
البركه هتجيلك
و إللي في يوم تنساه
لازم في يوم تلقاه
ربك عليم ب قلوب الناس
ولا حق يوم ماستوفاشي
دي الدنيا واخده الناس
والناس ما درياشي
والهم مالي الراس
على إيه ما تدراشي
