"جالى اكتئاب ".. مها احمد تكشف سر هجومها على امير كرارة

كشفت الفنانة مها احمد ، عن سر خلافها عن الفنان امير كرارة ، بعد ان تبادل الردود بينهم بدون ذكر اسماء ، مما فسر البعض انه المقصود فى تصريحها الاول .

قالت مها في بث مباشر عبر حسابها الشخصي عـلى ال"فيس بوك": "قابلت زميل تاني.. كنت بشتغل في شركة وكنت بعمل برنامج وهو كمان كان بيعمل برنامج قبل ما يتشهر.. ويشوفني يقولي يا أستاذة ونوع من الرقي.. وقولت يابت مافيش مشكلة في نوع من العشم.. دخلت وقولتله مبروك إيه بقى مش هنشتغل مع بعض.. راح باصصلي كده وقايلي الدور بينادي صاحبه طبعًا أنا استغربت للرد.. كان ممكن يقولي ربنا يسهل أو حاجة".

واضافت مها: بناءً على اللي حصل جالي اكتئاب وعيطت كتير جدًا.. أنا تعبت وأخدت أدوية ومازلت باخد الأدوية لحد دلوقت.. شئ طبيعي لما ألاقي فيها حاجة بها رد اعتبار ليا.. هتكلم وأكتب على صفحتي.. وأنا كتبت بصراحة شديدة.. ولا بشمت في حد ولا عايزة.. ولو عايزة أشمت هشمت في نفسي أني أحسن من ناس كتير وقاعدة في البيت.. ربنا كارمني أن أعمالي بتتعرض على الشاشة.. ولسه في حكايات كتير مع زملاء كتير هحكيها".