رولا خرسا تكشف قصتها مع كورونا

تحدثت الإعلامية رولا خرسا عن تفاصيل إصابتها بفيروس كورونا , قائلة: "أنا والكورونا، في يوم كتبت عنه سبحان الله علي الفيس بوك، وكأن قلبي كان حاسس إنه هيكون يوم فارق في حياتي، ركبت أوبر لففني مصر كلها، كان يوم حر نار، قفل السواق الشبابيك وشغل التكييف".

واضافت خرسا عبر صفحتها على الفيسبوك: "ورغم كدة العربية كانت فعلا حر، ساعتين على ما وصلت مشواري.. اتاري دي كانت بس البداية.. يبدو والله أعلم كان فيه فيروس كورونا معانا.. ونزل معايا.. وتاني يوم تمحور وتمركز وقال لي الكريم خدي".

وأستكملت الاعلامية: "أنا لسه في التعافي ولسه تعبانة، بس هاحكي لكم يومياتي مع الكوفيد اللي عديت بيها من غير نكد، وبشوية تفكير لإن التجربة كانت قاسية علي، ورغم كدة ألف حمد وشكر لله على كل شيء دائما وآبدا، أهو حاجة تعوضكم عن المسلسلات اللي خلصت".