مشادة كلامية بين ريهام سعيد والمخرج مجدى الهوارى بسبب محمد سامى
شنت المذيعة ريهام سعيد، هجوما حادا على المخرج مجدي الهواري، بسبب منشور كتبه عبر حسابه الشخصي على الفيسبوك، والذي اعتبرته المذيعة عبارة عن شماتة منه في المخرج محمد سامي، بعد قرارالمتحدة بإيقاف التعامل معه.
وكان الهواري عبر صفحته على الفيس بوك، معلقا: "عارفين المثل اللي بيقول لا يصح إلا الصحيح ولا ايه؟".
لترد عليه ريهام في التعليقات قائلة: "بس مش أنت اللي تكتب البوست ده، لأنه في الآخر زميل والزملاء يقفوا جنب بعض مش يشمتوا في بعض".
ورد عليها الهواري في التعليقات قائلا: "مين الآخر ومين الزميل ومين اللي بيشمت.. أعتقد كلامك لحد تاني، وفي مكان تاني وبالرغم إني مش محتاج أبرر ولكن أنا سمعت الخبر من التعليقات، ومش محتاج أقول المقصود الحقيقي من البوست، أعتقد إن حلفاني يكفي ومش مضطر أبرر".
واضاف الهوارى: "أنا حر في ما أدونه على حسابي الشخصي، ومش هخش أبدا في نوع من التريندات، لإني مش من المدرسة دي خالص، ولا من الناس اللي بتعمل كدة، وهتلاقي متابعيني وأصدقائي شبهي ومحترمين زيي".
وتابع المخرج: "وكمان ولا محتاج شهرة مثلا، وتاريخي يشهد على احترامي للجميع ومن الجميع تحياتي، هتلاقي ناس تانية في أكونتات تانية عايزة لقطة وماشيين مع التريند، مش هنا ! ولا أنا . نقطة".
