حافظ طفل "الاختيار " : والدي ضابط عمليات خاصة وجدي لواء سابق و فخور بمشاركتي بعمل يجسد بطولات شهدائنا
أعرب الطفل حافظ محمد حافظ، 13 سنة ، طالب بالصف الاول الإعدادي بمدرسة ناصر الرسميه للغات بالمنصورة بمحافظة الدقهلية، الذي شارك فى مسلسل الاختيار بالجزئين( 1 ، 2 )حيث شارك بالجزء الاول من خلال تجسيد شخصية الطفل المصاب جراء تفجير نفذه الإرهابيون لاستهداف موكب وزير الداخلية وشارك بالجزء الثانى بالحلقه ٢٩ الإختيار ٢ فى أحداث إحباط عملية إرهابية كانت تستهدف افتتاح أمم إفريقيا 2019
عن سعادته بتلك التجربة، مشيرا إلي أنها ليست أولى تجاربه فى مجال التمثيل، مؤكدا انه شارك في المسرحيات المدرسية، بمدرسته في مدينة المنصورة.
وقال حافظ :والدي ضابط، ويحارب الإرهاب يوميا في عمله، وخدم بسيناء عدة مرات،كضابط عمليات خاصة وكذلك جدى ضابط شرطة وأنا فخور بهم، وأتمنى أن أكبر سريعا واكون ضابط مهندس لأحمل السلاح وأدافع عن الوطن مثل أبي، ووالدتي تعمل طبيبة بشرية، وليّ شقيقان أصغر مني ، ونتمنى أن ندافع جميعا عن الوطن".
وأضاف "كنت مبسوط جدا لانى اشترك في عمل تاريخي زي ده وموثق ولن ينساه الناس ويحكى بطولات رجال الشرطة وقصص حياة الشهداء وبطولاتهم.
واشار تقدمت للاختيار ١ مع الكاستنج ابراهيم فرج اللى ، ورشحنى للدكتور بيتر ميمى وعملت دور طفل الكشك اللى أصيب فى محاولة تفجير وزير الداخلية فى الحلقه السابعه بالجزء الاول والحمد لله وفقت في اداء الدور و كل صناع العمل اشادوا بي ، ووقتها وعدني المخرج بيتر ميمى اني هكون معاه فى الأعمال القادمة، وهو ما حدث بالإختيار ٢، والمرة دى الدور بسيط لكن مميز لانه داخل حلقه تاريخيه.
وأوضح والدى ديما بيدعم هوايتى الفنيه جدا وكان بيحضر معايا فى أوقات التصوير وكان بمثابة حافز كبير ليا وجوده معايا فى التصوير عشان رهبة الوقوف امام الكاميرات وأسره العمل كلهم فنانين كبار زى امير كراره او كريم عبد العزيز وطبعا الفنان احمد مكى انسان رائع وجميل وأتكلم معايا ونصحنى بنصائح اخلاقيه واجتماعيه اكمل بيها حياتى بصفه عامه ومن اكتر الناس اللى حبتهم فى المسلسل وانا فى الصف الاول الإعدادي بمدرسة ناصر الرسميه للغات بالمنصورة المدرسه الجميلة اللى كرمتني عن مشهدي فى الاختيار ١ والحمد لله وبشكر ربنا وكل اللى دعموني وساعدونى انى اظهر موهبتي واني قدرت اشارك في عمل كبير بالحجم ده، وموهبتي بدأت في مسرح المدرسة واتمنى من الله ان اعجب الناس وأقدر اقدم حاجات مفيده للمجتمع وبشكر والدى العزيز والمخرج بيتر ميمى والكاستنج ابراهيم فرج وطبعا الاستاذ احمد حمدى المونتير العالمى واللى دايما بينصحونى بكل جميل وزملائي اللى بيدعمونى دايما بكلامهم الحلو.
