محمد سامي يهاجم محمد عادل امام ويغلق خاصية "التعليقات"

بعدما اعلن اكثر من مرة الفنان محمد عادل امام ان مسلسله "النمر" يتصدر أعلى المشاهدات مقارنة بكل المسلسلات المعروضة في هذا الموسم، قام المخرج محمد سامي بالرد عليه عبر صفحته الرسمية "الفيسبوك"، و وضع صورة رسم بياني تؤكد ان مسلسله "نسل الأغراب" هو الأول.

قال سامي :"صديقى الغالى محمد إمام النجم المحبوب ، دايما بتمنالك النجاح والتوفيق في كل خطواتك، ولكن عندى تعديل بسيط للتوثيق التاريخي، الناس بتكتب نسل الأغراب بدون همزه ، إنت للأسف كتبتها صح بالهمزه ولكن هى متداوله كده للأسف ، جرب تكتبها بدون همزه زي الناس كلها ، ده اللي هيطلعلك على جوجل ترندز سواء في مصر أو ورلد وايد ".

اضاف :" برجاء تصليح المعلومة يا محمد عشان الناس ماتتلخبطش و نجاحنا و نجاحك واحد ، إحنا إخوات و زمايل و بنفرح دايما لبعض و ببعض وكل التوفيق ليك يا صديقي الغالي و للمخرجه الكبيره و أختي شيرين عادل و بجد مبروك المسلسل حلو جدا و أنا متابعه ومستمتع بيه ".

وحرص سامي ان يمنع خاصية التعليقات على كلامه، حتى لا يدخل فس جدال مع الجمهور او بعض التطاول، ومن جانبه محمد إمام لم يرد او يتجاوب مع كلام الأول.