المفتاح

#يوميات_مهندس_مشاكس

يكتبها تامر راغب

ايوه طبعا عارف ان الدنيا صيام ، والصحيان من النوم صباحا بعد نوم عده ساعات متقطعه ليس بالامر الهين .

وانا شخصيا بقوم الصبح علشان اروح الشغل وانا نايم وتقريبا بسوق وانا نايم والنسكافيه اللي كان بيفوقني طبعا مش قادر اشربه لاني صايم .

كل ده مقبول ولكن اني اطلع من شقتي النهارده الصبح واقف امام الاسانسير وانا ماسك مفتاح الشقه وعمال ادور علي الكالون و فتحه المفتاح في باب الاسانسير علشان استدعيه هو ده اللي مش منطقي ابدا .

لا وايه عمال اتلفت يمين وشمال ومستغرب ان كالون باب الاسانسير مش موجود وعمال اقول ازاي كده وهو راح فين

كل سنه وانتم طيبين

كملها علينا بالستر يارب

أسعد الله اوقاتكم
دامت الابتسامه علي وجوهكم
ودمتم بخير