احمد سعد يهاجم سمية الخشاب بعد خفل زفافها على محمد رمضان
حرص المطرب احمد سعد على الظهور فى تسجيل صوتي لبرنامج "MBC Trending", بعد التعليقات التىىاثارت الجدل بعد ظهوره فى مسلسل "موسي " وهو يغنى فى حفل زفاف سمية الخشاب ومحمد رمضان .
وقال سعد: "عايز أشكر صديقي العزيز محمد رمضان إنه عزمني في فرحه على سمية، وكنت هزعل أوي لو مكنش عزمني في مناسبة سعيدة جدا زي دي، وأول لما كلمني أجي أغني وافقت علطول، وعن ردود الفعل أنا شايف الناس مستمتعة وأكيد استغربوا الموقف أنا كمان استغربت وتعليقاتهم بتضحكني جدا حتى لو بيتكلموا عليا".
واااضاف: "اليوم كان حلو ومر بسلام، قابلت سمية وسلمت عليها وسلمت عليا وهزرنا وضحكنا بس فوجئت بعدها إنها قالت على وجودي رزق وجايله، ولكن ده محصلش لإني روحت بالحب ومخدتش أي فلوس عشان بحب محمد رمضان وليا نجاحات كتير معاه".
ورد سعد على الصور التي نشرتها سمية الخشاب فور عرض الحلقة، وقال لها: "بلاش حركات من تحت لتحت، ولقيتها منزلة صورة وحشة ليا، وأنا مبفكرش بالطريقة دي، ولكن بفكر بطريقة عملية، أنا خاطب دلوقتي وبحب خطيبتي ومعنديش خلافات مع سمية فبلاش الحركات اللي من تحت لتحت".
.jpeg)
