لقب رخيص
شعر: أسماء كامل
ولمَّـا قُولْت القِرش قَل
والسِّنين سَقيَانِي ذُل
قَام جَبَل الدِيون مصَدَّع
قَالِّي فُوق لاقلبهَا خَل
فُوقت قُولت شقَايَا نِعمة
إزاي اعيش وايديَّا ناعمَة
دِي الرجُولَة تُوبهَا غَـالِي
وف بلدنَا الغُـلب وصمَـة
قطَعت سِكَّة من الحَديد
لبِست جِتَّة من الشِديد
قُولت زَادي وزاد ولَادِي
ح جيبُه من قَلب المُحيط
ركِبت وف جُوفِي المَرار
أخدت جَنب وفِي القِطار
فضِلت أحسِب يومي واجمَع
واتَارِي جَمعِـي هَشيم لنَـار
وبَعد حِسبَة الباقِي فاضِي
قُولت حمدًا ليك وراضِي
وبتَنهيدَة مسِيرها تفـرَج
لقِيت المُوت عمَّال ينَادي
السًِكة رافَضة بيَّا تِكمَـل
زَاد ولَادِي ازّاي حَ يُوصَل
حَاوِلت أجرِي منّه واهرَب
تَحت عَجَلُه لقِتنِي بنـزِل
ولمَّـا قُولْت القِرش قَل
والسِّنين سَقيَانِي ذُل
قَام جَبَل الدِيون مصَدَّع
قَالِّي فُوق لاقلبهَا خَل
فُوقت قُولت شقَايَا نِعمة
إزاي اعيش وايديَّا ناعمَة
دِي الرجُولَة تُوبهَا غَـالِي
وف بلدنَا الغُـلب وصمَـة
قطَعت سِكَّة من الحَديد
لبِست جِتَّة من الشِديد
قُولت زَادي وزاد ولَادِي
ح جيبُه من قَلب المُحيط
ركِبت وف جُوفِي المَرار
أخدت جَنب وفِي القِطار
فضِلت أحسِب يومي واجمَع
واتَارِي جَمعِـي هَشيم لنَـار
وبَعد حِسبَة الباقِي فاضِي
قُولت حمدًا ليك وراضِي
وبتَنهيدَة مسِيرها تفـرَج
لقِيت المُوت عمَّال ينَادي
السًِكة رافَضة بيَّا تِكمَـل
زَاد ولَادِي ازّاي حَ يُوصَل
حَاوِلت أجرِي منّه واهرَب
تَحت عَجَلُه لقِتنِي بنـزِل
ياللي جوعَك قُوت ولادَك
ياللي بتحارب لزادك
ياللّي غُلبَك ليك لقَب
لقَبَك أرخَص ما ف بِلادَك
