يوميات مصور تليفزيوني في رمضان

يحكى محمد مولا مدير التصوير بالتليفزيون المصري عن يومياتة وذكرياته في شهر رمضان قائلاً: "رمضان بييجي.. لا بيهمني مسلسل ولا أعلان ولا اي فنان ..ولا بتابع بصراحة..؟! بيشغلني دايما في البداية.. أبدأ الشهر صايم أزاي.. وأبعد عن النرفزة والمستفزين.. وأمسك نفسي وعنيا عن صور وحواديت الفيس والنت.. وخصوصا بعد ما اتعودنا كلنا.. ندخل نعرف أخبار الدنيا منه..!!

وزمان كنا أول مانصحي من النوم نفتح الجرايد ونقرأ.. ونطلع على كل ماهو جديد..

ورمضان دلوقتي بقي صعب جدا جدا.. لازم تحبس نفسك.. لأنك لو خرجت الشارع.. هتغمض عنيك.. وهتمشي زي الحرامي.. تستخبي من الأختبارات المتلاحقة.. كل ثانيه..وبصراحة جدا.. كل حاجه في نهار رمضان بتبقى دايما كلوز اب.. مجسمه. وخصوصا لبس الهدوم المجسمه والذي منه..

وانا كمان ببقى شايف الدنيا أبيض وأسود.. مافيهاش وسط

حلال أو حرام..

فعلا ببقى حاسس بأن الصايم كأنه أمام جمرة نار.. أو قطعة ثلج

في زمن اللامعقول.. زي ماتقول قول..

وقال ان عملة بالقناة الرابعة احلي مراحل حياته في بداية بث القناة من الاسماعيلية مشيراً أوعى تستهون بيا.. أحنا قناة محترمة.. تقع في قلب مبنى الأرشاد الأعلامي التنموي.. أول قناة أنشئت خارج العاصمة..؟!

نحن في قلب قناة السويس.. أحنا سينا وخط باااارليف.. أحنا السوايسة والصمود.. أحنا الصيادين.. في أسماعيليه دبابااات.. شمال ويمين..

وبورسعيد وع القنال الف شهيد...

ويقترح مولا مدير التصوير ماذا لو تم ضم القناة الرابعة لهيئة قناة السويس.. وتغطية كل أخبار القناة محليا وعالميا.. وتقرير يومي عن الملاحة. وكل مشاريع الهيئة.. بل الترويج السياحي لمصر.. بل يمكن بث القناة لكل السفن العابرة..

والأفكار كثيرة.. ولكنها أمنيات.