مستغرب ليه ؟
يوميات مهندس مشاكس
يكتبها: تامر راغب
رن هاتف موبايلي ، نظرت لاري من الذي يتصل بي .
المتصل كان شخص عزيز علي قلبي فرديت ودار بيننا الحوار التالي :
انا : السلام عليكم ورحمه الله
هو : عليكم السلام ورحمه الله وبركاته
انا : عامل ايه حبيبي ؟
هو : انا بخير الحمد لله ، انت فين ؟
انا : مازلت اتنفس .
هو : الحمد لله ، انت فين بجد ؟
انا : مازلت في الدنيا .
هو : ربنا يطول عمرك ويجعل حسك في الدنيا .
انا : هو ايه الدعوه دي ؟
هو : ايه في ايه ؟
انا : حد يدعي لحد دعوه كده ؟
هو : ليه بس مش فاهمك مالها الدعوه دي ؟
انا : يعني انا بطلب ربنا يرزقني الجنه والفردوس وانت تدعيلي اني افضل في الدنيا الزائله الفانيه التي لن تدوم .
هو : صمت بلا رد .
انا : انت روحت فين ياعم .
هو : صمت بلا رد .
مش عارف ليه حسيته عايز يقفل الخط في وشي ، هو انا غلطت معاه ياجماعه ولا خنقته لاسمح الله ولا الناس مبقاش عندها خلق تناهد وترد
أسعد الله اوقاتكم
دامت الابتسامه علي وجوهكم
ودمتم بخير
