"مش كورونا".. احمد شيبة يكشف اخر تطورات الحالة الصحية لابنة محمد

كشف المطرب الشعبى أحمد شيبة، عن اخر تطورات الحالة الصحية لابنه محمد، مؤكدا انه بحالة جيدة .

وكتب شيبه عبر حسابه الشخصى على "إنستجرام": "الحمد لله رب العالمين، ابنى محمد بقى بخير وفى حالة كويسه دلوقتى، شكرا جدا لكل شخص دعاله وربنا يخليكم ليا يا رب".

وأضاف شيبه: "بالنسبة للناس اللى قالت لا قدر الله كورونا أو أمراض أخرى فى فيديوهات على اليوتيوب، أحب أقولكم إن كل الكلام ده غلط ومكنش ليه لازمة يتقال، كل الحكاية إن هو كان عنده مكروب حلزونى وارتجاع فى المرىء والتهابات وضيق نفس، وكل ده قلب معاه الدنيا، بس الحمد لله دلوقتى الحالة بدأت تتحسن بكتير، بشكر ربنا وبشكر كل شخص سأل على ابنى".