احمد فهمى يكشف سر خلافه مع محمد رمضان وشيكابالا وجابر القرموطى

علق الفنان احمد فهمى، عن خلافه مع كل من الفنان محمد رمضان ولاعب الزمالك شيكابالا والإعلامى جابر قرموطى.

قال فهمى خلال لقائه ببرنامج "يوم ليك" للاعلامية سمر يسرى : خناقتى مع محمد رمضان كنت ضيف مع إبراهيم فايق وسألنى عن رفضى مشاركة هنا الزاهد في مسلسل البرنس لرمضان، أنا مرفضتش لكن قولتلها مساحة الدور لما يناسبها، ولكن لو بطولة قدامه كان يبقى تمام ومن 3 سنين كان فيه هجوم على محمد رمضان وأنا دافعت عنه، ولكن خلاص الموضوع خلص ومفيش أي خناقات ما بينا".

واضاف فهمى: "أما خناقتى مع شيكابالا فالموضوع اتقفل واتقفل عند الجماهير لكن الخلاف بينا بدأ منذ مباراة السوبر، وشيكابالا بيعمل إشارات غير لائقة لجمهور الأهلى، فانتقدته ببوست لأنه أيقونة لجمهور نادى الزمالك مينفعش أي حاجة تستفزه وفى حاجات بتطلع منه مينفعش، ولما جه في حفل الزفاف مكنش ينفع اسمع الشتيمه من قريب وأفضل ساكت وخلاص، ولكن الموضوع خلص وممكن أكون غلطان أنى كتبت البوست ومكلمتهوش وعاتبته ودلوقتى معنديش مشاكل مع حد وموضوع محمد رمضان اتلم وموضوع شيكابالا اتلم ولو كنت غلطان في حاجة أنا آسف و بفتخر أنى أهلاوى".

وعن خلافه مع جابر القرموطى قال: عرض خبرا عنى وعن هنا، وكان هزاره تقيل، اتصلت على الهواء في البرنامج وهزرت معاه هزار تقيل ودمك شربات وهموت من الضحك، وقفلت السكة على طول".