"أنا بحترمك عشان كلت في بيتك عيش وملح".. عمر كمال يرد على سعد الصغير برسالة نارية
اثار الفنان سعد الصغير، الجدل فى تصريحاته التي تحدث فيها عن مطربي المهرجانات الشعبية وتاريخهم بانها مثل أغنية واحدة بـ2 جنيه.
مما رد المطرب عمر كمال، عبر حسابه الشخصي على الفيس بوك معلقا على تصريحات سعد الصغير قائلا: فيه مطرب شعبي بيقول علينا إن تاريخنا أغنية واحدة!، وبيقول علينا لو مشينا جمبه ف الشارع محدش يعرفنا! وبيقول بنت الجيران بـ2 جنيه وملهاش لازمة وإحنا ماعملناش أي تاريخ يذكر!! وأنا بقولك دول شوية نجاحات.
واضاف كمال معلقا ان بنت الجيران 600 مليون مشاهدة، عود البطل 434 مليون مشاهدة، شمس المجرة 114 مليون مشاهدة، لغبطيطا 160 مليون مشاهدة، إنتي معلمة 32 مليون مشاهدة، مساء النقص 23 مليون مشاهدة، شيكولاتة سايحة 52 مليون مشاهدة، بنبوني ساقط ف نوتيلا 53 مليون مشاهدة، بنتخان 28 مليون مشاهدة، فايقة ورايقة 17 مليون مشاهدة".
وأستكمل عمر كمال: "أنا بحترمك عشان كلت في بيتك عيش وملح ومش هقولك إن تاريخك كله مايجيش مشاهدات أغنية زي عود البطل مثلا أو الـx6.. بس هقولك احترمنا عشان إحنا إخواتك الصغيرين وبنحترمك وبنحترم أي حد أكبر وأقدم مننا في الشغل وديه أرزاق، وده وقتنا وأكيد غيرنا هيطلع زي ما كنت فأنت ف يوم بنتفرج على نجاحك وبنحبك".
.png)
