الحلاقه

#يوميات_مهندس_مشاكس

يكتبها: تامر راغب

ايوه جيت للشغل بدري .

وبعد يوم طويل عريض ، وبقائي في العمل الي ما بعد انتهاء الوقت الرسمي بعده ساعات ، مايقرب من ١٢ ساعه عمل ، دخلت الحمام في الشغل قبل ما اروح أغسل أيدي .

ببص في المرايه ، فتحت عيناي في دهشه واستغراب ، واستنكار .

فما شاهدته لم يكن هينا ابدا .

انا ياجماعه لقيت دقني طولت وانا لسه حالق الصبح .

وقفت والله مذهول مش مصدق اللي انا شايفه .

واخيرا لما ركزت شويه ، اكتشفت اني طلعت عده الحلاقه في البيت الصبح ومن دهولتي نسيت احلق اصلا .

ايوه مراتي دايما تقولي اني بنسي وانا برفض بشده واقولها لا مش بيحصل ، بس بعد الموقف ده بجد خلاص كده الظاهر عندها حق .

يافرحه ابله زازا فيّ .

مش عايز تلقيح كلام يازوجتي العزيزه ، وبلاش جملتك الشهيره " يعوض عليّ عوض الصابرين "

اسعد الله اوقاتكم
دامت الابتسامه علي وجوهكم
ودمتم بخير