بكلمات رقيقة .. ياسمين سمير تداعب شقيقتها فى عيد ميلادها ..صور

احتفلت الفنانة الشابة ياسمين سمير بعيد ميلاد شقيقتها وشبيهتها الصغرى عبر موقع تبادل الصور والفيديوهات إنستجرام .

وبكلمات رقيقة داعبت شقيقتها فى يوم ميلادها قائلة " النهارده يوم مطلعتلوش شمس من اكتر من ٢٠ سنه لان جه للدنيا شريكه ليا في كل حاجه لبس وميكب واكسسوارات وكله حتي قفله البلكونه مشركاني نفتحها ولا نقفلها كان نفسي ماما تخلف وتجيب اخت شبهي ملامحها مني كنت بخلي ماما تبصلي كتير قال يعني كده البيبي هيتولد شبهي ، وحصلت المعجزه وطلعت الوحيده في البيت اللي كل الوانها مني تؤام رغم اننا مش تؤام بس الحقيقه يعني رغم كل الشكوي اللي اشتكيتها فوق انها من يوم ما اتولدت وهي بنتي كنت باخدها معايا في كل حته قلبي كان بيتخطف لو حسيت انها متضايقه لو حد زعلها غيري، ببقي عاززه اكله بسناني لحد ما القطه الصغيره كبرت وبقت صاحبتي، صاحبتي اللي بطلب منها النصيحه والسند ليا لو وقعت واللي دموعها تنزل لو اتألمت احن اخواتي عليا فخوره بيها في اي مكان ودايما عندي ثقه كبيره في عقلها وتصرفتها وذكائها النهارده اجمل هديه ربنا ادهالي في الحياه هداني هديه انا اللي اخترت اسمها وفاء".

وتفاعل معها جمهورها ومتابعيها الذين حرصوا على تبادل التعليقات والتهانى لشقيقتها بمناسبة عيد ميلادها متمنيين لها دوام التوفيق والنجاح .

يشار إلى أن الفنانة ياسمين سمير تشارك حاليا فى مسرحية "اللوكاندة" التى تعرض كل جمعة على قناة dmc ، وهى من بطولة الفنان أشرف عبدالباقى، ويشارك فى بطولتها كل من محمد دياب، حمدى الميرغنى ، ويزو ، مريم البحراوى ، إبرام سمير ، ياسمين سمير ، أميرة حافظ ، محمد حسن ، نورهان منصور ، شريف حسنى ،من تأليف أحمد عبدالوهاب وكريم سامي، وديكور محمود سامي، وأشعار أيمن بهجت قمر، وألحان أحمد الموجي، تدريب غنائى إيمان حسني، وإنتاج وإخراج أشرف عبد الباقى.