" الكمامات "

#يوميات_مهندس_مشاكس

يكتبها: تامر راغب

" دردشه "

اكون رايح اي مول من المولات او اي مصلحه حكوميه تلاقي المسئول عن الامن يقولك لازم كمامه حضرتك .

ابص داخل المول او المصلحه الحكوميه الاقي الناس مش لابسين كمامات اصلا ، ابص علي الناس اللي خارجه الاقيهم مش لابسين الكمامات .

ويدور الحوار التالي

انا : ماهي الناس اهي قدامك مش لا بسين كمامات .

هو : يقولي ممنوع حضرتك تدخل من غيرها وابتسامه المنتصر علي وجهه وهو بيشاور علي واحد قاعد علي ترابيزه بعلبه كمامات علشان اروح اشتري ، والكمامه ثمنها قد كده .

انا : اطلع الكمامه من جيبي والبسها و طبعا ضحكه المنتصر المستفزه دي تختفي من علي وجهه ، وانا كده ببقي في قمه سعادتي .

ناس حافظه مش فاهمه بجد ، قال يعني الكورونا واقفه علي الباب لكن متقدرش تدخل المول او المصلحه الحكوميه .

كل حاجه عندنا لازم تبقي فيها سبوبه ، الواحد زهق بجد من السبوبه .

أسعد الله اوقاتكم
ودمتم بخير