كان عندها قلب بيحب الكل.. روجينا ترثي أحلام الجريتلي بكلمات مؤثرة

حرصت الفنانة روجينا على استرجاع ذكرياتها مع الفنانة الراحلة أحلام الجريتلى.

حيث كتبت عبر حسابها على إنستجرام قائلة:"إنا لله وإنا إليه راجعون الفنانة القديرة والأم الغالية أحلام الجريتلى فى ذمة الله، جمعتنا كواليس كتير وأدوار كنتى فيها عظيمة يا أمى ياحماتى بأعمال مثل "سلطان الغرام، بين السرايات، الأسطورة، وأخيرًا البرنس".

وأضافت: "كنت بطمن معاها عشان كان عندها قلب بيحب الكل ودايمًا، وأبدًا يجمعنا الحب ودايما عندها طاقة إيجابية وحب للتمثيل وكأن هى دى الحياة بتحب تحكى عن ذكريات الشغل وأدوارها اللى بتصورها".

وتابعت: "لما عملنا المشهد اللى بينا فى البرنس اللى بقولها هارميكى من الشباك لما خلصنا قالتلى: "شاطرة".. فقولتلها "عشان قدامى ممثلة عظيمة اسمها أحلام الجريتلى".. كانت عظيمة وعمرها ما حست بعظمتها".

واختتمت قائلة: "هتفضلى باقية بأدوارك اللى أثرت فينا وفى جمهورك وبسيرتك الحلوة اللى اتعلمت منها أنك قبل ما تكون فنان الأهم تكون إنسان الله يرحمها ويغفر لها ويسكنها فسيح جناتة اسالكم الدعاء بالرحمة والمغفرة لها".