شاهد.. تامر أمين يعتذر لأهالي الصعيد: "جزمتكم على راسي من فوق"
وقال أمين في فيديو عبر الصفحة الرسمية لقناة النهار: "بداية حابب أتقدم باعتذار واضح وصريح لا لبس فيه لكل أهالينا في الصعيد وفي كل مكان في مصر زعلانين مني.. أنا لن أكابر ولا هقاوح، أنا من الناس اللي بتعتذر لما تحس إن الناس زعلانة منها، حتى لو كان هدفي خير وللمصلحة العامة.. أنا أكثر حاجة تضايقني في الدنيا إن واحد صعيدي بس أو واحدة صعيدية يزعلوا مني، أنا من أكثر المؤمنين بالصعيد واحترام الصعيد وعزة نفس الصعيد وكرامة الصعيد، فصعيد مصر هو أصل مصر، وهو الذي أخرج لنا الأدباء والمفكرين والمشهورين المحترمين ".
وأضاف: "والله لم أقصد الإهانة تمامًا ودي آخر حاجة تيجي في بالي، وآخر حاجة في الدنيا لا أكون حاببها إن أحدًا من الصعيد يكون زعلان مني، وأقول لكل صعيدي وصعيدية جزمتكم على راسي من فوق وأنا ابن ريف مصر وأناسب من الصعيد وأتشرف بهذا النسب، وكان قصدي خير، لكن أي واحد زعلان مني أقول له أنا آسف وأتقدم له باعتذار صريح وسينشر في كل مكان، وأقول لأهل الصعيد ما تزعلوش مني؛ لأنكم أهل صفح وعفو وكرامة.. تحياتي لكم جميعاً ولصعيد مصر".
