شوبير يفتح النار على رضا عبد العال ويطالبه بالاعتذار لهذا الثلاثى
فتح الإعلامى أحمد شوبير، النار على رضا عبد العال نجم الأهلى والزمالك الأسبق وطالبه بضرورة الاعتذار للثلاثى ربيع ياسين وعماد النحاس ومختار مختار بعد قيامه بإتهامهم بالانتماء لجماعة الإخوان.
وقال شوبير فى برنامجه الإذاعى عبر أون سبورت إف إم : "بنحب خفة دم الكابتن رضا عبد العال، وحتى تقطيعه فى المدربين مش بنرد عليه، لكن يتهم الناس أنهم إرهابين وشاركوا فى اعتصام رابعة وقالوا خطب أمر لا يمكن السكوت عليه".
وأضاف شوبير: " ياكابتن رضا لو عندك دليل قدمه لو معاك فيديوهات طلعها وأنا أول واحد هكون فى صفك أحنا فى دولة كبيرة مش تهريج وخلاص ، زمايلك رفعوا عليك قضية ، الهزار والضحك ليه حدود ياكابتن ، ومش هتكلم عليك كمدرب لانى مؤمن بالبخت والحظ والتوفيق وعدمه ".
واختتم شوبير: "تتهم ناس فى مستقبلها وأكل عيشها وأسرهم مينفعش خالص، من فضلك قدم لنا الدليل وإن لم تقدم سيكون عليك الاعتذار الفورى ، ومينفعش كل شوية تطلع تقول كدا".
