قوة مصر في تماسك شعبها.. والاستقرار هدفنا

السيسي في مداخلة تليفزيونية مع قناة "إم بي سي":

أكد الرئيس عبد الفتاح السيسي أن قوة مصر نابعة من مؤسساتها وشعبها وليس من مؤسساتها فقط. ونحن حريصون علي أن تكون كل تحركاتنا تهدف إلي بناء السلام والاستقرار".
أضاف الرئيس السيسي خلال مداخلة هاتفية مع الإعلامي عمرو أديب. ببرنامج الحكاية. المذاع عبر فضائية إم بي سي ان الأوضاع الخارجية دائما مرتبطة بالأوضاع الداخلية والقرارات نابعة من الشعب ومن يستهدف فهو يستهدف الشعب ولا يستهدفني. وكل الفكرة اجتزاء الحقائق".

اضاف الرئيس السيسي أن ملف سد النهضة يشهد تحركات في إطار التفاوض للحفاظ علي حق مصر في المياه.. مشيرا الي أن الدولة المصرية تعمل علي محاور متعددة. بجانب تقليل الفاقد من حجم المياه وإعادة تدويرها لاستخدامها.. مؤكداً "سنصل لنتيجة بالتفاوض وبصمود المصريين ووقوفهم بجانب الدولة المصرية ومؤسساتها".
وطمأن الرئيس عبد الفتاح السيسي. المصريين بسبب تخوفهم من أزمة سد النهضة ومخاوف إضراره بالمياه في السنوات المقبلة. قائلا: "نحن نقاتل بالتفاوض. طول ما إيدينا في إيد بعض وثابتين ما نقلقش من أي حاجة. وهنوصل لنتيجة بالتفاوض وبثباتنا كمصريين في موضوع سد النهضة".

قال الرئيس لدينا حالياً مشروع لتبطين الترع من أجل تقليل حجم إهدار المياه. وأنشأنا في بحر البقر محطة معالجة بـ02 مليون جنيه. وسيتم افتتاحها خلال شهر يونيو القادم. وسنشرع في إقامة محطة معالجة في مدينة الحمام لاستخدامها في زراعة مليون ونصف المليون فدان.
اضاف إن موضوع التطعيم واللقاح الخاص بجائحة كورنا موضوع مهم. وبندرس كل الموضوعات علشان ناخد القرار . وعندنا الشرائح الأولي بالتطعيم هي الأطباء وأصحاب الأمراض المزمنة 35 مليونا. فلوسهم موجودة مفيش مشكلة ولابد من السيطرة علي الموضوع.

قال الرئيس السيسي إن أزمة العقار المائل في محافظة الإسكندرية. تجسد الواقع.. مشيرا الي ان القضية حجمها كبير.. والواقع بتاع عمارة الاسكندرية وعمارة فيصل تجسيد للواقع اللي إحنا فيه" ونسعي لتغييره.
أضاف الرئيس السيسي لما أطلقت موضوع المصالحة ومخالفات البناء كان الهدف منه.. إحنا بنقول للناس فيه عندنا مشكلة كبيرة جدا. والمشكلة دي من ضمنها إن الدولة غايبة من سنين طويلة.. وهذا يعني إجراءات غير مسيطر عليها".
أشار الرئيس السيسي. إلي وجود فساد إداري وتنظيمي أدي إلي ظهور مثل هذه المشكلات في الدولة المصرية. مخاطبا "أنت النهارده عايز مليون شقة سنويا.. وعايز توفر ده في ظل قدرة مالية محددة".

قال الرئيس السيسي. إن ما تفعله الدولة المصرية في الوقت الحالي فوق قدرة البشر. مؤكدا أن الأموال التي ينفذ بها المشروعات "فلوس مصرية خالصة".. مشيرا الي انه يجب علي المواطنين أن يتفهموا ما نحن فيه. والمشاكل التي نواجهها وأبرزها الزيادة السكانية التي تعد عائقا أمام العديد من الملفات من تعليم وتشغيل وغيرهما

وبشأن انزعاج الناس من كثرة إنشاء الكباري في مصر. رد الرئيس السيسي. قائلا أنا عايز أقول للناس هو انتو شايفين أن اللي إحنا بنعمل ده كان مطلوب ولا هو زيادة. انت عندك كام مليون عربية بتتحرك في مصر. وكل سنة بتزيد 200 ألف. انتو متخيلين فقط هو أنا بعمل كتير في الطرق بس. لا أنا بعمل كتير في كل شيء في كل القطاعات".

وتابع الرئيس قائلا: "قطاع الطرق مرتبط بحياتنا في مصر. وعلشان نقلل حجم الوقت الضايع والوقود اللي بيستهلك ويضر الناس. واختتم مداخلته بالقول: "والله كله من فضل الله والحمد لله

وأضاف أنا أقدر أعمل لكل الأجيال القادمة كل ده. مليون شقة. نحن تجاوزنا موضوع الإيجار كفكر. الناس عاوزة تعيش في تمليك. وما قلته عن المساكن قولته قبل كده عندنا 40 إلي 50% عشوائيات. اليوم إحنا داخلين علي الريف. المشكلة مش مشكلة توفير التمويل اللازم. فهل إحنا هننجح ونحن متحركين في إننا نقلل حجم النمو العشوائي. حجم الطلب اللي هينطلب السنادي والسنة الجاية احنا قادرين نوفره.
قال الرئيس عبد الفتاح السيسي إحنا داخلين علي القري ومخصصين 500 مليار جنيه للقري. كم المطلوب ضخم والبلد مش قادرة توفره. مش المشكلة توفير المبلغ المشكلة في الرسوم الهندسية. كل قرية ليها شغل مختلف. أنا بستفيد من فرصة البيت بتاع الإسكندرية احنا دارسين حاجتنا ومجهزين نفسنا. عندنا 100 ألف أو 200 ألف مخالفة في الإسكندرية ومحتاجين مليون شقة. محتاجة 3 إلي 4 تريليون جنيه.