حقيقة إصابة فيفى عبده بفيروس كورونا

كشفت الفنانة فيفى عبده حقيقة إصابتها بفيروس كورونا، وذلك بعدما تداولت مواقع التواصل الإجتماعى الأمر، وخرجت فيفى فى فيديو عبر حسابها على إنستجرام مؤكدة فيه أنها بصحة جيدة.

حيث قالت:"تحية مني لكل الناس.. أولا بشكر كل الناس اللي سألت عليا وقت الشدة وكنت عيانة... النهاردة الظاهر عندي دور برد عشان كنت بصور برا في الهواء.. وحشتوني جدا... وفي الحقيقة أنا برضه محتاجة الدعاء بتاعكم".

وأضافت :"أنا معنديش كورونا، وكنت محافظة على نفسي، ويمكن موضوع رجلي اللي مكنتش قادرة امشي عليها حصل من ربنا عشان مروحش مكان وأصاب فيه بالفيروس... عشان كده بطمن جمهوري عليا".

واختتمت قائلة :"الحاجه الثانية، الله يرحم كل اللي توفوا سواء زمايلي أو غير زمايلي.... والشباب المتهور اللي مش بيسمع الكلام وبيفكر أن الموضوع بسيط وأن كورونا موضوع هيعدي ببساطة... أنا لما كنت بضحك وبقول مكرونة وكورونا ولازنيا مكنتش أعرف إن موضوع كورونا صعب خالص كدة، ومكنتش متخيلة أن الفيروس هيكون بالطريقة دي، طبعا عرفت أن موضوع كورونا مش سهل وبيضيع أرواح وملوش دعوة لا بسن ولا غيره، وخطر جدا".