عيد لكل أبناء الشهداء.. وهنكمل رسالتهم للنهاية

سارة.. ابنة الشهيد وائل طاحون وأرملة الشهيد ماجد

"أم ليلي" أو سارة طاحون ابنة الشهيد وائل طاحون وأرملة الشهيد ماجد عبدالرازق معاون مباحث النزهة الذي استشهد علي يد مسلحين قالت في يوم عيد الشرطة

"أم ليلي" أو سارة طاحون ابنة الشهيد وائل طاحون وأرملة الشهيد ماجد عبدالرازق معاون مباحث النزهة الذي استشهد علي يد مسلحين قالت في يوم عيد الشرطة: بيمر شريط حزين قدام عنيه بشوف والدي الشهيد وزوجي الشهيد وغياب السند والضهر لكن بشوف كمان شريط سعيد بشوف ليلي لما تكبر وبشوف عاطف أخويا لما يتخرج في كلية الشرطة ويكمل رسالتهم ويجيب حقهم. عشت مع ماجد سنة ونص وبشهد أمام الله إنها كانت أحلي فترات عمري كنت أقعد يومين أو تلاتة من غير ما أشوفه واحنا في بيت واحد وكان دايما يقولي معلش استحمليني. كان بيحب شغل الشارع. كان حاسس انه مقصر أوي في حقي وكل شوية يقولي معلش اللي جاي هيبقي أحلي بعد ولادة ليلي مشافهاش إلا 3 مرات استشهد وهي عمرها 10 أيام مقدرش يسيب شغله ولا يهمل فيه يوم 7/4/2019 صحيت علي أبشع خبر في حياتي. في يوم عيد الشرطة يوم فخر عيد لـ "ليلي" وعيد لكل أبناء الشهداء.