مصر أقوي.. وبأولاد شهدائها باقية

أرملة الشهيد باسم فكري :

الدكتورة سارة الخطيب أرملة الشهيد باسم فكري رئيس مباحث قوص الذي استشهد في 31 أكتوبر 2019 خلال مطاردة عناصر إجرامية وتجار مخدرات.. روت قصة شهيدها ولكنها فوضت نجل البطل الوحيد "سليم" ولم يتعد عمره أربع سنوات كي يلتقط الصورة بدلا عنها لكنه أفضي بما عنده وحكي وعبر ببراءته عن حبه لوالده قائلا: بحب بابا قوي وبحب مصر قوي وهاطلع زيه بطل وهاخد حقه.

الدكتورة سارة الخطيب أرملة الشهيد باسم فكري رئيس مباحث قوص الذي استشهد في 31 أكتوبر 2019 خلال مطاردة عناصر إجرامية وتجار مخدرات.. روت قصة شهيدها ولكنها فوضت نجل البطل الوحيد "سليم" ولم يتعد عمره أربع سنوات كي يلتقط الصورة بدلا عنها لكنه أفضي بما عنده وحكي وعبر ببراءته عن حبه لوالده قائلا: بحب بابا قوي وبحب مصر قوي وهاطلع زيه بطل وهاخد حقه.
وأما هي فلم تستطع السيطرة علي دموعها حين قالت: كنا محتاجينه قوي سابنا ومشي. شغله عنده كان أهم حاجة في الدنيا. تزوجنا من 3 سنوات وخلفنا سليم كان طاير من الفرحة بيه ومتعلق بيه جدا بس كان زعلان عشان دايما مشغول مش لاقي وقت يقعد معاه ويشبع منه. كان بيقوله نفسي أفضل معاك يا سليم بس الشغل يا نور عيني.
تمالكت مشاعرها لتروي لحظات الوجع الحقيقية قائلة: يوم الواقعة ماكنتش مأموريته مش تبع دايرته أصلا طلعها مع زمايله في قسم قفط. راح متنكر في "توك توك" والمأمورية نجحت وجاب المجرمين وهو راجع اضرب عليه رصاصة من أعوان المتهمين في الجبل بـقنا كنت بكلمه علي التليفون قالي اقفلي دلوقتي كنت ببعت له صور أنا وسليم كان بيوحشنا ومش عارفين نشوفه. عرفت الخبر من "الفيس بوك" قالولي اتصاب جريت سايقة العربية علي مستشفي قفط لقيت كل زمايله هناك والدنيا مقلوبة لسة ما اتكلمتش زميله قالي "باسم" مات.. من اللحظة دي لحد النهارده الحياة وقفت كل حاجة سودة مالهاش طعم. فقط وجود "سليم" فيها هو اللي مخليني عندي هدف هاكبره وأطلعه ضابط زي باباه وهايبقي عيد الشرطة ساعتها عيدين عشان الإرهابيين يعرفوا ان مصر أقوي وبأولادها شهداءها باقية.