أول تعليق من محمد الشرنوبى بعد الحكم على سارة الطباخ بالحبس وكفالة ألفى جنيه.. بالمستندات
اعرب الفنان محمد الشرنوبي،عن سعادته بعد الحكم الصادر ضد المنتجة سارة الطباخ خطيبته السابقة والوكيل الفني له ، بعد ان قضي الحكم بحبسها عامين وكفالة ألفي جنيه.
وكتب الشرنوبي، عبر صفحته الشخصية على انستجرام قائلا : "الحمدلله الحق ظهر .. تم صدور حكم فى الجنحة رقم 1626 لسنة 2020 جنح الشيخ زايد بحبس الممثلة القانونية لشركة إدارة اعمالي السابقه سنتين لتبديد المبالغ المالية التي في ذمتها بموجب التوكيل الرسمي وخيانة الأمانة".
واضاف الشرنوبى: أظن الصورة وضحت. انا كنت ساكت ومكانش نفسي الامور توصل لكده وكنت مقرر أني مش هتكلم تاني في الإعلام بس لقيت إصرار من الطرف الآخر أنه يقحم الإعلام ويشوه صورتي قدام الناس. بس لو في حد واخد حق حد فالقانون والمحكمة قالت كلمتها».
وتابع الشرنوبى : الشركه كان صادر ليها توكيل بموجب العقد اللي بيننا لادارة اعمالي وبالتالي كانت بتتعاقد وتستلم كل مستحقاتي اللي هو الطبيعي أنها تستلم وتاخد نسبتها وتدلي الباقي وده مكانش بيحصل.. الممثلة القانونية للشركة خانت الأمانة، وبددت كل أموالي اللي في ذمتها، وآخر صلح سلمت الشركة توكيل على اساس اننا هنفتح صفحة جديدة وتعهدت انها هتسددلي كل فلوسي اللي في ذمتها وده مثبت في محضر الصلح في غرفة صناعة السينما وبالفعل نفذت المسلسل وبرضه مخدتش فلوسي. لكل شركات الإنتاج برجاء عدم التعامل مع أي جهة أو شخص غير من خلالي شخصيا وعدم الالتفات لأي تحذير أو إنذارات تصدر من الشركة لان ببساطة الهدف الوحيد هو تعطيل شغلي وتشويه صورتي والحصول على مبالغ مادية بدون وجه حق".
أول تعليق من محمد الشرنوبى بعد الحكم على سارة الطباخ بالحبس وكفالة ألفى جنيه.. بالمستندات
أول تعليق من محمد الشرنوبى بعد الحكم على سارة الطباخ بالحبس وكفالة ألفى جنيه.. بالمستندات
