حزن راقي
كلمات: مياده الشربيني
قالوا عني كويسه
والحقيقه أنا مش تمام
بس حزني شويه راقي
والوجع من غير كلام
ممكن أبقى بتوجع
ألمي صوته يتسمع
والعيون جواها ضحكه
وع الشفايف الابتسام
يلا كالعاده قولولي
لأ بجد .. يا سلام !!
آه بجد لأني حد
بيكتفي بصمت وسكوت
حد ع الأحزان يعدي
ينجرح لكن يفوت
يتصدم بيقوى أكتر
لكبريائه .. كتير يقدر
نفسه للأحزان تحضر
ضعفه بالنسباله موت
لما قلبي بيعاتبني
ليه تملي مبشتكيش
قصده يعني أخف حملي
والحياه تمشي وأعيش
ردي بيكون أقسى مني
خوفي من ضعفه يلازمني
إنت شايف فيه إختيار ؟؟
تقصد إني أنكسر ؟؟
وإنت عارف
إني مقبلش إنكسار
حد ضد الإنحصار
حد ممكن كل لحظه
يرمي نفسه ف جمر نار
أيوه بحزن لكن أرفض
الإنهيار
