رامى صبري يكشف لأول مرة حقيقة كرهه للهضبة عمرو دياب
خاض الفنان رامي صبري تحدي أغنية "محسود" للهضبة عمرو دياب وكتب عبر حسابه على فيسبوك قائلا: "أولًا أنا عملت تحدي لأغنية محسود علشان حاجتين أولهم علشان الأغنية حلوة أوي وانا بحب النوع ده من الأغاني، ألحان صديقى الملحن خالد عز .. ثانيًا علشان اقول للناس كتير من الجماهير إن العلاقة بيني وبين الفنان الكبير عمرو دياب علاقة محترمة من عندي ومن عنده حتى الكلام اللي وحش اللي دايما بشوفه على السوشيال ميديا مكانش بيغير حبي واحترامي ليه بالعكس انا كنت بشتغل اكتر إني اعمل أغاني مهمة وده حصل أخيرا".
وأضاف: "النهارده عايز أكلم الجمهور الكبير جمهور عمرو دياب يفهم اني بحترم هذا الرجل وبحترم تاريخه جدا ومفيش بنا اي عداوه او كره ذي ما بعض الناس بتقول . مبروك الالبوم يا هضبه ودايما مشرفنا وفخورين بيك وشكرا لكلامك الحلو، مبروك لكل صناع الاغنية الحلوة دى الشاعر الكبير تركى آل الشيخ، والملحن الكبير خالد عز والموزع الكبير عادل حقي".
يذكر أن هاشتاج "محسود" لعمرو دياب تصدر تريند تويتر وذلك بعد ساعات قليلة من طرح البرومو.
والأغنية من كلمات تركي آل الشيخ، لحن خالد عز، وتوزيع عادل حقي، ميكساج وديجيتال ماستر أمير محروس، وستصدر ضمن ألبوم "يا أنا يا لأ" والذي سيطرح قريبًا عبر خدمة "فودافون ميوزيك".
