"مش مهم كنت أيه المهم بقيت أيه"..تعليق نارى من عمر كمال على الساخرين من صورته
سخر رواد السوشيال ميديا ، بعد ان نشر المطرب عمر كمال صورة له قديمة، مما اثار غضبه،وقرر الرد عليهم.
وعلق عمر عبر حسابه الشخصى على الفيسبوك قائلا:كل ما أحط بوست وممكن الناس تشوف بعنيها عشان محدش يقول ده بيحور و بيعمل بوست وتريند ألاقى ناس كتيرة حطالى صورتى اللى ع اليمين ف الكومنتات من باب السخرية .
واضاف كمال حتى الصورة اللى منزلها لوالدتى وبعبر عن حبى ليها عشان عيد ميلادها منزلين الصورة من باب السخرية .. فا عايز ارد عليهم وأقولهم والله الحمد لله على شكلى ف جميع مراحل حياتى وديه حاجة انا مش بتكسف منها.
و اشار الى الساخرين قائلا: ادينى نزلت الصورة اهو للناس ف بوست عشان تشوفها ومش مكسوف .. والصورة اللى ع اليمين ديه لانسان كان معندهوش رفاهية انه يروح للدكتور يتابع معاه رچيم او يروح للچيم او حتى عنده وقت يفكر ف شكله .. انسان كان كل همه يشوف السرير بعد يومه الطويل عشان يصحى ليوم تانى أصعب .
و اختتم المطرب معلقا: مش مهم كنت أيه المهم بقيت أيه اشتغلت على نفسى وبكرم وفضل ربنا اشتغلت الحاجة اللى بحبها .. وركبت العربية اللى بحلم بيها .. وكونت نفسى .. وعملت وضع واسم لنفسى وربنا جعلنى سبب ف انى شايل مسئولية ناس وفاتح بيوت ناس كتير من غير جنيه من بابى ومامى ولا مساعدة حد غير ربنا ثم دراعى .
