مشجع الأهلي بعد تعرضه لحادث: نفسي اتعالج وعاوز كرسي متحرك
قال عمر فرج، أحد مشجعي النادي الأهلي إنه تعرض لحادث سير خلال الاحتفال بتتويج النادي الأهلي بدوري أبطال أفريقيا.
وقال عمر فرج في تصريحات عبر برنامج نمبر وان تقديم الإعلامي عمر ربيع ياسين على قناة النهار : "انا مدمر خالص واتمنى الشفاء المرض اللي عندي حالة نادرة وكمان عضمي اتكسر".
وتابع:"كنت مصمم أروح مباراة زي دي وروحت احتفل ولما طلعت ووسط الاحتفال عربية خبطتني ورجلي الاتنيين اتكسروا وكتفي مدمر ورامي صبري لاعب إنبي هو الوحيد اللي بيساعدني".
وأضاف:"نفسي اتعالج وعاوز كرسي متحرك بالكهرباء علشان اتحرك واعمل كل حاجة لنفسي لأني تعبت امي".
من جانبه، قالت والدة عمر: "بقالي سنين بعالجه وربنا بيقويني وهو قعيد بعمله كل حاجة ومش طالبة مساعدة انا عاوزة حق ابني بس ويا ريت المسؤولين يقدمولنا حق عمر".
