لو عايش كان مات مقهور إنه اكتشفك.. رسالة نارية من ابنة سعيد صالح لمحمد رمضان

وجهت هند ابنة الفنان الراحل سعيد صالح رسالة نارية للفنان محمد رمضان عبر حسابها بـفيسبوك، وذلك بعد ظهوره مع عدد من المشاهير الإسرائيليين.

حيث قالت هند: "أنا بصراحة من أول امبارح بحاول أمسك نفسي، خصوصا إني بقالي شهور ما بدخلش في أي تريندات ومهاترات فيسبوك بس ما توصلش لدول أبدا".

وأضافت: "كويس إن بابا مات طبيعي وإلا كان مات مقهور على نفسه إنه اكتشفك، لأنه كان طالع بيك السما وفرحان أن مصر فيها مواهب حلوة وهو اللي بيقدمها بنفسه إيه العك ده؟".

واختتمت قائلة: "ده الواحد لما كان بيلمح سائح منهم في دهب ولا شرم الشيخ ويميزه من الطاسة اللي على دماغه دي كان جسمه كله بيتنفض، هاڤا ناجيلا إيه اللي بتترقص عليها؟ جاك ٦٠ هاڤا ناجيلا على دماغك يا بعيد".

يذكر أن محمد رمضان تعرض لانتقادات حادة من جمهوره وصلت لاتهامه بالتطبيع مع إسرائيل بعد ظهوره فى صورة مع المطرب الاسرائيلى عومير ادام ولاعب كرة القدم ضياء سبع.