قوي غيرك تلاقي نفسك اقوى

كلمات: د. مها نور

سآعات كتير ..بتكون مخنوق بس مش عاوز تشتكي .. فتقول يارب وتسرح في ملكوته وتكتفي

تبص حواليك تلاقي غيرك مخنوق وموجوع تكتم جوه عيونك الدموع والحزن اللي فيها يختفي

وتروح تمد له ايدك برغم الـِ فيك وتهوِن قسوة الليالي عليه وتضحكه لحد ما ينتشي

وبالأمل تفضل توعده.. وتخلي الحيآة حلوة في عيونه وتقولوا اصبر الحزن هيجي له يوم وينتهي

والفرحة هتملئ عنيك بس أنت اوعي تيأس من رحمة ربنا " وبشِر الصآبرين" يابن ادم ومتنساش رحمتي

عارف وقتها أنت بتقول الكلام ده ليه لإنك أنت الـِ محتاج تسمعه محتاج حد يقويك ويطبطب عليك وميسيبكش تتنسي

بتحاول تقوي روحك بيك وقتها بتحس براحة وكأن الكلام موجه ليك انت عشان ينسيك قسوة الزمن اللي قسي

بتساعِد غيرك وتهوِن عليه لإنك إنتَ الـِ محتاج له مش هو اللي محتاج ليك

قوي غيرك هتلاقي نفسك اقوي واوعي الحزن واليأس يأثر عليك ويخليك تنتهي