شهيرة تكشف عن اخر مكالمة المؤثرة بينها وبين الراحل محمود عبد العزيز

تحدثت الفنانة شهيرة، خلال حوارها ببرنامج "واحد من الناس" مع الإعلامي عمرو الليثي عبر شاشة "الحياة"، تفاصيل مكالمتها التليفونية الأخيرة مع محمود قبل رحيله، حيث قالت إنها لم تستطع البقاء إلى جانبه في المستشفى لأنها أصيبت بنازلة شعبية حادة.

واضافت : "الأربع أيام الأخيرة في حياته جالي نازلة شعبية ومبقتش بروحله المستشفى لإني كنت تعبانة، الغريب رغم إنه كان تعبان قبلها إلا أنه فجأة بقى في حالة ذهنية ووعي عالي جدا، لدرجة إن أنا والولاد قولنا ده خف"

وتابعت: "حسنا إنه خف لدرجة إن عمرو محمود ياسين كلمني وقالي: أبويا رجعلي تاني، أول ما دخلت عليه قالي: عمورة إزيك يا عمورة، وسأله مفيش حاجة تعباك، قاله لأ خالص"

واستكملت: "عمرو في المرة دي خلاه يكلمني في التليفون للمرة الأخيرة، قولتله: إزيك يا محمود، قالي: إزيك يا حبيبة قلبي، قولتله: أنت عارف مين معاك؟ قالي: إزاي بتسألي السؤال ده، قولتله: معلش أصل صوتي متغير بسبب إني تعبانة ومش عارفة أجيلك، قالي: سلامتك يا حبيبتي"