«ليه أعيش اللى باقى من عمري بالسجن».. تسريب صوتى لسما المصرى من قفص الاتهام

تداول تسجيل صوتى مسرب لـ"سما المصرى" من داخل محبسها، تبكى فيه وتتوسل بعد كثرة القضايا المقامة ضدها، قالت فيه " أنا مش عارفة ليه كل القضايا دى بتتعمل ضدى في الوقت ده 3 قضايا في وقت واحد سب وقذف و تحريض في الاقتصادية، و عندى قضية جديدة بكرة في نيابة أكتوبر، عايزة أعرف ليه كل القضايا والأحكام دى ضدى بس".

واضافت سما باكية في رسالتها المسربة، :" أنا غلطت مرة واتعاقبت وخدت ، وسنة في قضة السب والقذف، مع إنى والله ما نشرتش الفيديو أنا بعته على الواتس لصحبتى، مبعتوش لريهام سعيد، أتحاسب ليه على الواتس، وقضية التحريض التانية اللى اتعاقبت عليها مرة اتعاقب عليها ليه تانى، وقضية بكرة في أكتوبر، ليه الواحد يعيش اللى باقى من عمره في السجن".

وقضت محكمة جنح مستأنف المحكمة الاقتصادية، بإلغاء حبسها سنتين وإلزامها بدفع مبلغ 300 ألف جنيه غرامة، والاكتفاء بحبسها سنة وإلغاء الغرامة والاكتفاء بالغرامة 100 جنيه، والمراقبة سنة، فى القضية 979 لسنة 12 قضائية جرائم اقتصادية فى الاعتداء على قيم المجتمع المصري.