العيش البلدي
يوميات مهندس مشاكس
رؤية : تامر راغب
واحد جاري وحبيبي قالي في واحد بيبيع عيش بلدي حكااااايه .
انا : طيب فين مكانه ؟
جاري : تمشي من هنا كده علي طول في يمين حتلاقيه جمب واحد اسمه حسن بيبيع كبده وسجق و...... .
ابني : بابا انا جاي معاك .
انا : تعال اتفضل .
وقعدنا نلف ونرجع
نلف ونرجع
نلف ونرجع
ان احنا نلاقي محل حسن ده
مفيش .
ابني : ثواني يا بابا افتح GPS
وقعد فارس ابني يعمل سيرش علي محل حسن ده .....مش لاقيه .
في الاخر وقفت العربيه وقولت اسأل واحد من اللي ماشيين .
انا : من فضلك لو سمحت .
الراجل : امرك ياذوق .
انا : من فضلك فين محل حسن بتاع الكبده والسجق علشان عايز المخبز اللي جمبيه .
الراجل : محل حسن ايه يابييييييه
قصدك عربيه السلطان حسن تلوث .
انا : تلوث ايه
انا عايز المخبز اللي جمب المحل .
الراجل : عربيه السلطان حسن تلوث اهي قدامك يابيه والمخبز جمبيه .
انا : بصيت لابني وانا بقوله جي بي اس ياجاهل ايه اللي حتجبلك عربيه حسن تلوث .
ابني : يابابا وانا اعرف منين انها عربيه في الشارع .
المهم شكرا جاري العزيز
العيش فعلا حكاااايه .
شايفك وانت بتضحك ياجاري العزيز
أسعد الله اوقاتكم
دمتم بخير
