"عيالي شايفنِّي قدوة ليهم".. رد ساخر من رانيا يوسف على منتقديها هى وابنتها بعد اطلالتهم الاخيرة

ردت الفنانة رانيا يوسف على الانتقادات التي وجهت إليها، بعد ظهور ابنتها نانسي بفستان “بدون بطانة” خلال ختام فعاليات مهرجان الجونة السينمائي بدورته الرابعة.

وعلقت رانيا خلال مداخلة هاتفية في برنامج ” Mbc Trending”، “مش أنا اللي اخترت لنانسي أنها تلبس الفستان، هي كانت فكرتها واللي قالت ليا عايزة آجي معاكي على الريد كاربت وألبس الفستان فقولت ليها تمام اعملي اللي إنتي عايزاه”.

وأضافت رانيا: “أنا ولا بختار لبنتي لبسها ولا حياتها والأجيال اللي طالعة هي اللي بتختار لنفسها كل حاجة، بس مهمتي في الحياة أني أصرف عليهم، وبنتي هي اللي بتختار لبسي وأعمالي، وعيالي شايفنِّي قدوة ليهم بأن يعملوا كل اللي في نفسهم ما دام مش بيأذوا حد”.

وتابعت: “بنتي مش فنانة من حقها تلبس اللي هي عايزاه من غير ما حد ينتقدها.. دي حرية شخصية والفنانة كمان حرة تلبس اللي عايزاه واللي مش عاجبه مايبصش مش مشكلتي”.

واختتمت رانيا تعليقًا على الهجوم الذي تتعرض له دائما في جميع إطلالتها، قائلة: “أنا خلاص جبت آخر الهجوم فهيحصل إيه يعني بعد كدا فخلاص بقى ناقص ينتقدوا الأكل كمان اللي بأكله، السوشيال ميديا بقيت حاجة سخيفة أوي وكل اللي ملوش رأي ولا ذوق بيتدخل في حياة البشر بشكل غير طبيعي”.