استقالة مدير فريق السلة بالزمالك من منصبه.. أعرف السبب

اعلن طارق سعيد مدير فريق السلة بنادى الزمالك، استقالته من منصبه، لاستحالة الاستمرار فى ظروف عمله والصعب توفيقه بينه وبين عمله كمدير للفريق،

ونشر طارق سعيد عبر صفحته بالفيس بوك بموقع التواصل الاجتماعى" 3 سنين مروا من وقت ما رجعت بيتى تانى نادى الزمالك 3 سنين بحلوهم ومرهم انتصاراتهم وانكساراتهم وأزماتهم وانفراجتهم تجربة اتعلمت فيها كتير وعرفتنى معادن وشخصيات ناس كتير حواليه"

واضاف: "رجوعى مكنش شغل ولا وظيفة بمعناها، ده كان غيره على فريقى فريق السلة وحزنى على بعده عن منصات التتويج وإيمان منى أن مجهودى وإخلاصي للنادى إلى اتربيت فيه ممكن يساعد أنه يكون فى مكانه الطبيعى التاريخى متصدر دايما، حاولت ونجحت وحاولت وآخفقت، أصبت واخطأت، بس النيه كانت خالصه فى جميع الأحوال لمصلحة الفريق والزمالك بدون أى مصلحة شخصيه أو استفادة جانبية أو انتفاع واتمنى اكون تركت اثر كويس بعد بذلى قدر المستطاع فى حدود المتاح" .

وتابع: "النهاردة بعتذر عن استكمالى المشوار واعتذارى عن الاستمرار اسفآ فى العمل فى بيتى داخل أسوار النادى مع إستعدادى لخدمة سلة نادى الزمالك إذا طلب منى فى أى وقت من خارج النادى متطوعا وذللك لاستحالة الاستمرار لظروف عملى والصعب التوفيق بينه وبين تواجدى مع الفريق وايضا لعدم قدرتى على تقديم أى جديد فى الوقت الحالى ممكن يفيد الفريق والى هو كان سبب اساسى فى تواجدى اصلا فى مجال اللعبة فى نادى الزمالك (بيتي)"

بشكر كل واحد اشتغلت معاه كان قلبه على المكان وبس يبقى الاحترام والود والعلاقات الطيبة.