سر هجوم الجماهير على مدرب الاهلى
كشف محمد يوسف المدير الفنى السابق للنادى الاهلى كواليس هجوم بعض الجماهير عليه حينما عبر عن مساندته للجنوب أفريقى بيتسو موسيمانى المدير الفنى الجديد للأهلى.
وقال يوسف فى برنامج الفيلسوف أيمن يونس عبر أذاعة أون سبورت إف إم :"لما نزلت بيان أدعم فيه موسيمانى بعض الناس قالتلى تلاقيك عايزه يخسر ويمشى عشان تمسك مكانه ، قولتلهم انا اتربيت فى الاهلى واتعودت أصلح نيتى وعشان كدا ربنا كرمنى وخدت دوري الابطال الافريقى والسوبر مع الاهلى وهما أكبر بطولات القارة الافريقية "
ويضيف محمد يوسف :" بخلص فى عملى ونيتى صافية لله ماليش فى النية السوداء ، اشتغلت مع البدرى ومع فايلر ومع غيرهم وساعدتهم ووقفت فى ضهرهم ، وكنت مرشحاً لتولى مدير فنى للأهلى قبل موسيمانى ولكن حالياً بحترم قرار المجلس وأنا فى ضهر موسيمانى وهدعمه ونفسى يمشى كويس وربنا يوفقه "
وأكمل مدرب الاهلى السابق :" اختيار موسيمانى قرار موفق لانه حافظ قارة أفريقيا والاهم حافظ لاعبى الاهلى وعنده خبرات ولازم كلنا ندعمه ونسانده عشان هو قادر يجيب البطولة التاسعة الافريقية للأهلى"
