قذائف ثقيلة ضد حسام البدرى بعد تصريحاته عن نجم الزمالك مصطفى محمد

السبت 03/أكتوبر/2020 - 12:36 ص

كتب – مصطفى الشــهاوى:
تحول تويتر إلى ساحة قتال أطلق فيها المحللون الرياضيون والمغردون قذائف ثقيلة على حسام البدرى المدير الفنى لمنتخب مصر بعد تصريحاته لأحمد شوبير عن نجم الزمالك والمنتخب الاولمبى مصطفى محمد..

ابراهيم فايق : " اللي قاله البدري في حق مصطفى محمد أغرب حاجة ممكن اسمعها من مدرب منتخب عن لاعب هداف للمنتخب الاوليمبي وناديه ومطلوب في اوربا، لو مصطفى محتاج شغل كتييير يبقى مين المهاجم اللي مش محتاج؟ ولما هو محتاج فالصح تنصحه بينك وبينه مش في الإعلام؟!بدل ماندعم لاعيبنا نحبطهم كده واحنا محتاجينهم"
خالد بيومى : تصريح المدير الفني لمنتخب مصر عن مصطفي محمد حرق دمي
قال رضا عبد العال : أقول لحسام البدرى .. ارحل غير مأسوف عليك
قال الناقد الرياضى محمد سيف : لحظة من فضلك
كابتن حسام البدري ..
رايك في مصطفي محمد مش منطقي وبعيد عن الاصول التدريبية ..
اذا كان اللاعب محتاج شغل كتير علشان يلعب في المنتخب الاول فكيف يلعب اساسيا في المنتخب الاوليمبي ويصبح هدافه ؟
ولماذا باعتبارك مدربا مصريا مسئولا عن المنتخب لا تتحدث معه من فترة لاخري وتمنحه نصائحك ؟
واذا كان حاليا لا يصلح للعب للمنتخب فمن هو برايك راس الحرية الذي يصلح سواء من المحليين او المحترفين ؟؟
وهل مثل هذه الاراء في لاعب صاعد تصلح لاعلانها علي الهواء ؟..
طب احمد بلال وعارفين نواياه وقصده ..انما انت غير ومسئوليتك كمدرب للمنتخب غير وشخصيتك غير !!
مع تحيات صديقك القديم
أيمن يونس : عفوا ..صعب و غير مقبول المدير الفني ل منتخب مصر ينتقد لاعب بهذا الأسلوب و في هذا التوقيت بدون أي منطق حاجه غريبه تصرف مش مفهوم خاطيء..علي مسؤلي الاتحاد توجيه اللوم علي الاقل للمدير الفني لو كان نقده ده حقيقي ....عن مصطفي محمد أتحدث ...أحسن مهاجم في مصر ..حاليا ..
نسرين هانى : الناقد الرياضي حسن المستكاوي : مصطفي محمد رأس الحربه الأول والثاني في مصر
حسام سالم : لما صحفيه فرانس فوتبول العالميه تعمل اكتر من تقرير عن مصطفى محمد وتصفه انه من افضل 3 مواهب صاعده فى افريقيا ويطلع مدرب المنتخب بدل ما يدعم مصطفى يقلك مصطفى محتاج شغل كبير يبقا فى حاجه غلط
قال زكريا سمير : احنا اهلاويه ونختلف معاه جدا مصطفى محمد لعيب ومهاجم صاعد من احسن المهاجمين في مصر