مين الكائن اللى بيصوره 24 ساعة.. هجوم شرس على اليوتيوبر عمرو راضى رغم مرضه

تداول رواد موقع التواصل الاجتماعي "فيس بوك" صورة "لليوتيوبر" عمرو راضي وظهر "عمرو" في الصورة وهو في منزله جالسا على "كرسي" وفي يده "عكازه".

وشن أحد متابعيه هجوم شرس عليه قائلا: "نفسي أعرف مين الكائن اللي ماشي يصور الصاحب الجدع دا 24 ساعة من غير ما ياخد باله".

ومن ناحية أخرى نشر عمرو راضي فيديو له عبر حسابه بموقع التواصل الاجتماعي للصور والفيديوهات إنستجرام وظهر وهو منهار بالبكاء على صديقه مصطفى حفناوي ونفى ما يتردد من أنباء عن تدهور حالته الصحية.

وأكد عمرو راضي، أنه يعاني من ألم طفيف بالظهر ونصحه الطبيب بالمشي على عكاز لفترة حتى يتم شفاؤه قائلا: "انا كويس وشكر الله سعيكم وكل اللي طالبه ان انتم تدعوا لمصطفى".

وعلق عمرو راضي على الفيديو قائلا: "بس عايزك تعرف إني بشوفك ف كل مكان .. وكل حاجه بتفكرني بيك .. وشك مبيفارقنيش مكانك جمبي ف العربيه .. كرسيك قدامي ف القهوه .. .. الاكل اللي بنروحله .. الرغي قبل م بننام .. كل الصور .. كل الاماكن ..كل البيوت .. كل الهزار ..كل التفكير ف الماضي والمستقبل ..صحابنا ..كل حاجه بتفكرني بيك".

وتابع" حقيقة ان جسمك فارقني الهروب منها صعب.. بس المستحيل الوحيد ان روحك تفارقني لحظه ..اتعودت عليك وعلى يومي معاك ف سبنا أهالينا وعشنا مع بعض .. رجعتني بيتي لوحدي زي العيل الصغير اللي تاه من أمه ف سوق كبير مليان ناس .. فاكر كلامنا وفاكر أحلامنا وأوعدك هحققلك كل اللي كان نفسك فيه! وهشيل صورتك ف كل خطوه زي م شيلتك على كتفي.. وحشتني يا عشرتي وونسي".