سلوى هلال تهنئ عمرو دياب على أغنية يا بلدنا يا حلوة
حرصت الشاعرة والملحنة سلوى هلال، على تهنئة الهضبة عمرو دياب لطرحه أغنية وطنية جديدة تحمل عنوان يا بلدنا يا حلوة.
وكتبت سلوى، في منشور لها عبر حسابها الخاص بموقع التواصل الاجتماعي الفيسبوك،:" ألف مليار مبروك لحبيبي ولنجمي الحبيب نجم النجوم عمرو دياب على غنوته الوطنيه الجديدة " يا بلدنا يا حلوة" أد إيه الاغنيه حلوه جدا وعجبتني خصوصا انه فيها اسامي كتير من محافظات بلدنا الحبيبه مصر وعجبني انه قال اسم بلدي الي انا اصلا منها المنصوره".
وأضافت قائله،:"دي بجد مفاجأه حلوه جدا بالنسبالي وخصوصا انها اول مره تتغنى في اغنيه وطنيه الاغنيه روعه وعجبتني اوي وحابه جدا للمناسبه الجميله دي وبمناسبة عيد الاضحى المبارك كمان اهدي حبيبي ونجمي الحبيب عمرو دياب غنوة "يا دياب" من ديواني الجديد ( يا أحَّلى من أحَّلى روح و وإلتْقَّتْ أشوآقُنآ سَوِيًّا ) الاغنيه دي مكتوبه مخصوص له وباسمه في ديواني الجديد ودي من احلى واغلى المفجات عليا وعلى قلبي جدا اللي كنت محضرهاله في ديواني الجديد كل سنه وهو طيب وبالف خير وصحه وسعاده وسلام وسلامه وكلنا كمان يارب بمناسبة عيد الاضحى المبارك واكيد دي احلى مفجاه للعيد كمان غنوة"يابلدنا يا حلوة".
واختتمت حديثها قائلة،:"يا جماعه عمرو اد ايه انسان جميل وجدع جدا وله مواقف معايا كتيره حلوه ومنهم مثلا والكلام دا يمكن لاول مره بقوله يوم الصوره دي حصل موقف بالنسبالي جميل عمرو اثبت فيه جدعنته وشهامته يومها واحنا جاين نتصور مكنش معايا حد يصورني حس اننا محرجه راح خد الموبايل من ايدي ونده حد من الويترز اللي في المكان وطلب منه ياخدلنا الصوره الحلوه دي وطبعا هو لما لاقاني محرجه اكلم حد خصوصا اني معرفش حد راح رافع عني الحرج باللفته الجميله دي منه وهو عمل دا مكاني اد ايه الموقف دا ان دل على شىء وان كان بسيط في نظر البعض الا انه موقف كبير وعظيم بالنسبالي وفي نظري ودا الي مزود غلاوته عندي وفي قلبي جدا انما هو موقف كبير وعظيم في نظري واد ايه يومها ادركت ان عمرو مش بس فنان مبدع وجميل وتاريخ لا دا كمان انسان جميل اوي وجدع اوي وشهم جدا ربنا يخليه ويحفظه لينا ياارب لانه حقيقي رمز كبير وجميل في عالم الفن كله عايزه اقوله بجد تحياتي ليك وبحبك اوي يا عمرو".
جدير بالذكر أن الأغنية وطنية مُهداه لمصر ولشعبها العريق وتهدف أيضًا للترويج السياحي، وهي من كلمات الشاعر تامر حسين، وألحان عزيز الشافعي، وتوزيع طارق مدكور، وتم تصويرها كفيديو كليب تحت إشراف المخرج طارق العريان.
