فى عز الأزمة
استاذ - احمد خليفة
مدرس لغة عربية بجده
فيه ناس تبكي على القهوة ووقت يضيع مالوش لازمة
وناس تبكي على المسجد
وناس تتمنى لو تركع لآخر مرة أو تسجد
وناس تايهيين مابين اللقمة والهدمة
وناس عايشين على الخدمة
يضحوا عشانا بالأرواح
ومهما العمر منهم راح
يوفوا الوعد والكلمة
وناس تانية بترسم ضحكة من برة
وجوه القلب صوتها يموت متين مرة
ماهيش عارفة الحكاية منين
ولا أصلا لفين رايحين
تروس راكبة ف آلات بتدور
ومربوطة ف جدار السور
ومستنية أحلامها
حتكمل ولا طفوا النور؟
ويكمل يوم ورا التاني وأيام ماشية تشبه بعض
وحكم أكيد بدون جاني مالوش في الرحمة أو في الوعد
ورب الكون بإيده تهون همومنا نعدي م الأزمة
ويرجع حلمنا تاني ويبقى العمر له لازمة
أكيد حنعدي م الأزمة
