اضرب ياريس السد
شعر- فتحى حسب الله:
قوم ياريس واضرب
الضربة القوية
واحنا قدامك نموت
لجل بلدي الحلوة
تبقي دايما العفية
قوم ياريس واضرب السد
عشان حياتنا مش هفية
والمؤامرة مش بسيطة
بس يلله نركز حبتين
خطوة خطوة
نعبر الشط
ويرجع نهرنا الغالي
يغني
لحن باقي في البرية
وشعبنا الحر معاك
دايما بيرفض
المهانة والمذلة والدونية
يلله بينا
نقتل الإرهاب ف سينا
عشان الدنيا تعدي بينا
نزرع الأرض الثرية
والحدود ف الغرب برضه
لسة محتاجة مسيسة
والتدخل حاجة صعبة
والخروج مستحيل
من دون خسارة
ودي مؤامرة
والغرب قاعد قايم
يخطط
عشان بلدنا تقع
الوقعة اللي هية
واسرائيل سم قاتل
مهما قلنا فيه معاهدة
والسلام ما بينا قايم
قاعدة تضرب
تحت الحزام
وف كل حتة
لجل ما تغطي ع القضية
والمشاكل حوالينا ياما
والشعوب هي الضحية
يحفظك ربي بلدنا
وتبقي حارس
قائم يدافع
وماسك ف ايده
البندقية
والرصاصة في وش
ظالم
دا هدفنا
عشان بلدنا
تبقي حرة
عنترية
