بقع سمراء علي الجلد .. احذري المكياج أثناء الجلوس على الشواطئ
اولا وانت نازل من البيت رايح الشاطئ تلبس ملابس قطن بيضاء وتمسك في ايدك شمسية يد صغيرة تحميك من الشمس او كاب او برنيطة علي راسك ونظارة غامقة علشان تحمي عينيك .
ثانيا خللي معاك زجاجة مياه تشرب منها كل شوية وطول النهار .
ثالثا وانت قاعد تحت الشمسية احرص كل شوية علي حك قدمك في الرمال علشان تتخلص من الجلد الميت والفطريات الموجودة بين أصابع القدم .
رابعا لو عاوز تستمتع بأشعة الشمس فوق البنفسجية وتحصل علي فيتامين د اقعد في الشمس بعد الساعة اربعة العصر علشان ما تتعرضش لحروق الشمس وفي نفس الوقت تستفيد .
خامسا لو حضرتك آنسة او سيدة وخايفة علي شعرك من ملوحة البحر ممكن ندهن الشعر بزيت اللوز الحلو قبل النزول للمياه وبفكر حضرتك بلاش الماكياچ وانتي ماشية او قاعدة في الشمس علشان مايتركش بقع سمراء علي الجلد .
سادسا تذكر دائما اثناء الجلوس علي الشاطئ مراعاة التباعد بينك وبين الغرباء .
سابعا واخيرا واحنا راجعين من علي البحر بلاش السير والقدم حافية خوفا من شوكة في الارض او حاجة مكسورة تجرح القدم وتعمل لنا مشاكل …استمتعوا بالشواطئ بدون مشاكل صحية باذن الله
