دور تمنت رجاء الجداوي تقديمه .. تعرف عليه

تمنت الفنانة الراحلة رجاء الجداوي، تقديم دور سناء جميل في فيلم "بداية ونهاية"، الذي تم عرضه عام وهو دورها كفتاة ضحت بشرفها من أجل شقيقها.

وتحدثت رجاء الجداوي في الحوار عن العديد من الأمور الشخصية مثل أكتر صفة فيها تتكسف التحدث عنها، لترد بشياكة قائلة:" كل صفاتى بحب اتحدث عنها مفيش حاجه اتكسف منها"، وعبرت عن إعجابها بكوميديا النجم محمد هنيدى و عفوية النجمة عبلة كامل وطبيعتها، و بسؤالها عن مواصفات فارس أحلامها، ردت قائلة:" فتى أحلامى عشت معاه 46 سنة و حارس مرمى قلبى اللى كان و هيفضل حسن مختار، وللأجانب صديقى النجم مورجان فريمان اتعرفت عليه من مهرجان دبى هو ممثل جيد جدا و لكن مش فارس أحلامى".

وتابعت، " أما الفنانون العرب اللى راحوا مننا كتير أوى و كانوا فتيان أحلامى محمود عبد العزيز و أحمد زكى و نور الشريف كل الفرسان و من الجيل الجديد بحب أوى آسر ياسين و أحمد السعدنى و أحمد السقا هو قلبى واسع شويه وبحب كل الناس".

وعن كام عملية تجميل خضعت لها ردت بكل ثقة و هدوء قائلة: " ولا واحدة تجاعيدى بحبها كل تجعيده في وشى بتقول مشوار حياتى يأما فشل يأما نجاح عاوزة وشى يفضل زى ما هو يوم ما اقابل ربنا يبقى السجل موجود كله لو شديته من هيشد قلبى و أنا بحب تجاعيدى ليهم طعم تانى".