علي فين رايحين

كلمات: ياسمين حافظ

ع فين رايحين
وسط العتمة ماشيين
وسط زحمة المطبات
مكملين وصابرين

تحدفنا موجة ألم
ع شط بره انقسم
ونعيش ع مواويل
ونصيب من الأوجاع علينا حكم

وفي مرة نعيش حالة
كلها أمل وسعادة
وفجأة تحدفنا موجة
لطريق كله كأبة

وفي بحر ثاير مليان موج
وع الشط الكل مزعوج
وفجأة تيجي موجة هادية
ويجي وراها صفوف موج

الحكاية مش في إللي راح
الحكاية في الصياح
وفي قوة التحدي
في تخطي كل ألم وجراح