صورت 18 ساعة في أكتر من لوكيشن.. خالد سليم يكشف كواليس كليب "اللى فات مات"
كشف النجم خالد سليم عن كواليس تصوير فيديو كليب أغنيته الجديدة "اللي فات مات"، والتي قام بتصويرها فى لبنان مؤخرا، ونشر فيديو عبر حسابه بموقع "انستجرام"، معلقا عليه قائلا :"من أكتر التجارب اللي استمتعت بيها جداً هي كواليس تصوير أغنية "اللي فات مات" في لبنان واللي استمرت تقريباً 18 ساعة في أكتر من لوكيشن".
وتابع :"واللي بيهون أي حاجة صعبة قابلناها هو فريق العمل اللي بشكره جداً واحد واحد على كل تفصيلة اشتغلنا عليها، وكمان بشكر كل الناس اللي بتبعتلي تقولي إنها مبسوطة جداً بالأغنية والفيديو كليب..وطبعا كل الحب لزوجتي اللي دايما جمبي ".
وطرح خالد سليم "اللي فات مات" احتفالا بعيد الفطر، من كلمات وألحان عزيز الشافعي، توزيع أحمد عادل، ميكس وماسترينج أمير محروس، وإخراج ريشة سركيس، وكان من المفترض طرحها قبل شهر رمضان ولكن تم تأجيلها بسبب انتشار فيروس كورونا وتم تصوير الكليب فى لبنان.
وتعد أغنية "اللى فات مات" أولى أغنيات خالد سليم فى عام 2020، حيث إنها ضمن أكثر من أغنية سينجل ينوى طرحها على مدار العام، حيث يحضر لأغنية أخرى بعنوان "عشمنى" من كلمات هشام صادق وألحان مدين، ومقرر أن يصورها فيديو كليب أيضاً خلال الفترة المقبلة.
