بعد مواجهته القوية مع هشام عشماوى فى الاختيار.. هاشتاج السقا يتصدر تريند تويتر.. صور

تصدر هاشتاج السقا تريند تويتر وذلك بعد عرض الحلقة 29 من مسلسل الاختيار بعد الظهور القوى للسقا كضيف شرف في الحلقة، حيث جسد دور الضابط الذي استجوب هشام عشماوي، وقدم مشهد مهم ومؤثر وهو مواجهة عشماوي في السجن وهو يرتدي بدلة الإعدام ويتحدث معه عندما يعرف إنه يريد مصحف. 

وجاءت التعليقات كالاتى: "حوار بين الحق والباطل.. مع السلامة يا هشام لانى خلاص مش هشوفك تانى ولا دنيا ولا آخره بجد جملة مبدعة من السقا الى ظهوره كان خاص وقوى.. السقا بيفرق حتى لو فى مشهد والكلام بيطلع منه مميز عاش السقا.. حرفيأ مفيش حد أجدع من السقا يعمل اللقطة دى".

ويقول السقا لهشام عشماوى فى المشهد: "أنا استجوبتك وخدت منك كل اللي أنا عاوزه بسهولة جدا وبسرعة وعرفت إنك عاوز مصحف وجبتلك مصحف غالي عليا خدته من عزاء صديق عزيز علي قلبي اسمه محمد درويش أنت صفيتوا وهو في كمين الفرافرة، يا هشام احنا لا بنسيب حقنا ولا بنسيب اللي غدروا بينا وزي ما جبناك هنحاسب اللي مشغلينكم والأجهزة اللي بتدعمكم".

الاختيار بطولة أمير كرارة وأحمد العوضي ودينا فؤاد ومها نصار وضياء عبدالخالق وإنعام سالوسة ومحمود حافظ، ومن تأليف باهر دويدار، وإخراج بيتر ميمي، ومن إنتاج تامر مرسي، ويعرض يوميًا على قناة on e في تمام الساعة التاسعة مساءً.