عمرو الليثي يتحدث عن شارع عماد الدين في "رمضان المصرى"

تناول الاعلامى دكتور عمرو الليثي في حلقة اليوم من برنامج " رمضان المصرى " على إذاعة الشرق الأوسط ، قصة شارع عماد الدين قائلاً ان هذا الشارع بيفكره بنجيب الريحاني .. و ان قعدته المفضلة على قهوة عماد الدين هو وبديع خيري الله يرحمهم .. وفي الشارع ده ابدعوا اعظم اعمالهم واتعرضت على مسرح الريحاني اللي لسه مكانه موجود في الشارع .

و أضاف الليثي و ليس الريحاني فقط .. هذا الشارع كتب فيه سيد درويش اوبرتاته العظيمة ولحن فيه نشيد بلادي بلادي .. واللي شافت مسارحه ولادة عباقرة كانوا بيقدموا مونولوجات في بداياتهم مثل حسن فايق واسماعيل ياسين وحتى يوسف بك وهبي كان بيقدم مونولوجات في عماد الدين .. و ايضاً الفرق المسرحية العظيمة فاطمة رشدي وعلي الكسار وجورج ابيض وسلطانة الطرب منيرة المهدية ..عمادالدين بجد كان عالم لوحده ، و الشارع كان فيه اغرب بنسيون في مصر كان بيستقبل بس البنات اللي غاوية تمثيل وجايين من الشام وكان البنسيون ماياخدش منهم اجرة الا بعد مايشتغلوا ويقبضوا من شغلهم كمان .. والشارع ده صنع نجومية كل نجمات الزمن ده .. فاطمه اليوسف وعزيزه امير ودولت ابيض و ميمي شكيب واختها وماري منيب وامينة رزق ونجوى سالم وتحية كاريوكا .

و تابع عمرو الليثي ورغم ان عمارات الشارع كلها فخمة ومبنية بأوامر الخديوي على الطراز الفرنسي والايطالي الا انه كان الشارع الذى يلتقي فيه الباشوات والصعاليك .. الكتاب الكبار اللي زي احمد شوقي وعباس العقاد بالممثلين الكومبارس والرقاصات والموسيقيين اللي جايين من شارع محمد علي الاخ الشقيق لشارع عماد الدين والاتنين كانوا مركز الفن والثقافة والحلاوة كلها في قلب المحروسه ، وشارع محمد علي بالذات كانوا بيوصفوه بإنه الشارع اللي على راسه مسجد عظيم ( السلطان حسن ) وف قلبه مكتبه ( الكتبخانة الخديوية اللي هيه دار الكتب ) وتحت رجليه اعظم مسرح الازبكية اللي هوه المسرح القومي ) .. و رقاراقصات على فرق شعبية زي فرقة عكاشة وفرقة حسب الله .. وكل افلام زمان نصها فنانين من محمد علي ، و مدام مارسيل كانت اشهر شخصية في عماد الدين وحكى لي عنها وحش الشاشة فريد شوقي الله يرحمه انها كانت صاحبة مسرح وكازينو دي باري ولما مات الريحاني أجرت مسرح في الشارع واطلفت عليه اسمه .

يذاع برنامج رمضان المصرى على إذاعة الشرق الأوسط من الاحد للخميس الساعة ٤.١٠ عصرا