يَارَب أنَا مَهمُوم

شعر: أسماء كامل

.
إسمَع مِني
يـَاصَاحبِي نَصيحَة
مَاتـخُدهَاش مِني بـ لُوم
وهَاقُولهَـالَك كِلمة صَريحة
أوعَى تحِس أنَّك مَهزُوم

.
عوِّد نَفسَك تبقَى لوَحدَك
وماتحتَاجش لحَد فـ يُوم
صَاحَب روحَك ..
دَاوي جروحَك
أصل مافيش إنسَان بيدُوم

.
مَهمَا عَافِرت ..
مَهمَا صَارِعت
هتِفضَل طُول عُمرك مَهمُوم
ربَّك قَايِل مَافيهَاش رَااحَة
والمِرتَااح جُواه مَغمُوم

.
وأوعَـىٰ تقَرب مِن مَجرُوح !!
ولَا تظلِمش فـ يُوم مَحرُوم
كِفاية عليه ظُلم الحِرمان
يكفِيك ربِنَا وجَع المَظلُوم

.
عِيش حَياتَك زَي مَاهي
واحمِد رَبَّك ع المَقسوم
إطلُب مِن ربِنَا يغفِرلَك
في الدُنيا مَافيش
إنسَان مَعصُوم

.
هُو القَادِر يمحِي همُومَك
قول بس يَارَب..
أنَا مَهمُووم